熱情

二十來歲的我，對什麼事情熱情呢？

１。籃球。我原本想否認，又或者講其實都未必算係。不過，我真係鐘意打波。射波，鬥波，都好。我諗係因為想表現自己，測試自己，挑戰自己。咁唔係人人都有好多地方可以滿足到自己的表演欲嘛。籃球好，係因為其實有人欣賞固然好，冇人睇我自己一個射波一樣開心。唔入就再射過，入幾球就自high，成件事都好單純，好容易自給自足，I like it。

２。寫野呢層，其實都唔算。我曾經想講，自己愛閱讀。我知愛閱讀係一個好既trait，但好遺憾地，我真係唔「愛」讀書。唔係唔鐘意而係我既集中力好少夠我完整地完成一本書或者一個故事。

唔睇書，其實真係會其他睇書既人咁有文化。但相對於完全唔閱讀既朋友，我其實幾鐘意上網睇Blog。睇一ｄ講「人」blog。

例如點樣脫毒呀，點樣做一個好人呀，點樣去進步呀，點樣識女仔呀。執住how to 兩個字，網上特別係外國都有好多blog。佢地講好多大生大道理，或者對人既智慧同技巧。我諗自己對呢d題材係有興趣的。至於熱情，我諗咁多年都仲有興趣，都算係有d熱情。

做事斷斷逐逐係我既特性。可以突然爆炸連續做幾日，然後一下子唔做就唔做。所以睇書並唔係熱情，而寫字吹水係我從前的熱情所在。現在呢，我更喜歡去讀別人的文字，去扭轉自己的思維。因為我的壞觀念太多，雖然有時好想寫，但多寫不如多讀。讀一些好文章，讓生命變好一點吧。

３。兩樣其實算多定算少呢？　　其實我都鐘意聽歌架。雖然你話，有幾多人唔鐘意呀！但我又真係覺得自己鐘意喎。點講呢，我唔鐘意追住個潮流去聽歌，可能係因為某ｄ自己既觀念有關啦。聽歌對我來說是很個人的，有人推介是好，但係自己慢慢搵慢慢聽自己享受既感覺更好。呢份聽歌既熱情，或者我不能夠表達到比你睇。但我就係鐘意聽歌，驪入面ｄ節拍，會行行下跟住un。

４。寫作，寫blog，好可惜地，不算熱情。點解？我可唔可以話因為冇人睇：ｐ？

其實關事架實不相瞞。但另外的原因之一，雖然都講過，係因為長大後的我未搵到自己可以持之以恆地寫什麼。我不太對港女港男的文章有睇化，事實上或者我是刻意讓自己不接觸太多，因為我會不知不覺俟吸收那些價值觀，而我的智慧未必夠我去將有毒的概念拿走。情愛之事，還是有感，可是不敢多說。

正能量blog，其實可行。不過人不可能天天fly high。更何謂我仍是會耐唔耐沉寂的人呀。
我行矛盾。想到的事有很多，只是不夠繼續寫的動力。

５。我愛二次大戰的東西。不算熱情，但不能不說。



這就是我了。如果每個人的興趣與熱情所在都沒有優劣之分，我希望可以平常心去講出以上五點。
Stop my cynicism. 我不想多比較。這就是我的lifestyle的一部份。
我有其他小活動，但不至於成為熱情。我謂可以做得更多更好，
不過，說到這些質趣，我會有很多想法。他們與今天的我仍然有密切關係。

人做好多事，有時我做一些事，都是想別人認同，希望影響到別人，自己便有成就感，自豪感。
這感覺，能夠成為動力。感覺良好，便有下一次。
但今天，今年吧，文字好像一下子少了鋪張，少了情感。
那是因為生命的轉變，令我成長，多了另一層次。



總覺得自己是獨一無二很難找到同類，但其實呢：別把自己想得那麼高！
我就是繼續做自己的事就夠。總會遇上能夠灰這裡微笑的人。

對，為什麼我覺得不可能？憑什麼說不可能？

熱情之火小了，但還未熄滅。
工作扯去了氧氣，夢想變得抽象了，
但我仍是真正活著，沒被什麼吞噬。
這就是我，我是我的最大資產。