世界盃

世界盃開鑼。

忽然發覺不知不覺對這些盛事失去熱情了。好像小時候什麼都會有一段狂熱的時間。迷過世界盃，留意過歐聯，奧運冬奧也有試過睇到唔瞓覺吧？知道係中國國家隊會特別留意，聽到熟悉的國歌會有莫名其妙的感動。

喜歡看體操，田徑，冰壺，排球，其實也許是暑假時可以整夜看電視。有特別野睇。不知長大了的你還有沒有留意這些幾年一度的盛事？還是如果你沒有賭博習慣，基本上所謂有睇都只是隨便睇，也沒有以前那樣著迷了？

八年前世界盃決賽，還有相約朋友到酒吧K房睇波。八年後，不想睇的人多了。想睇的也要照顧小孩了，或者人大了不想捱夜了。又或者，隨便打開平板電腦隨便看看就好，又甚至看賽果知比數就夠。可是睇波這回事，最有趣的理應是過程。還記得自己有看球賽而喊破喉嚨，激動落淚。

某年施丹告別賽頭鎚一頂攞紅牌，記得那是深夜，我與老爸在客廳看得不明所以。還有阿叔講波，阿叻吹水，仲有把聲好熟又叫唔出名既評述。原來要記，都有很多有趣的片段與世界盃有關。

說著又有點興趣，更像勾起情懷。

世界盃也是一個重要提示，提示我們又走過了幾多個四年。二零一零年南非世界盃，還記得當時的我們嗎？身邊有誰，正在做什麼？那是八年前了原來。