You are not enough

真心想講。

呢句說話其實好大殺傷力。你聽完，解唔通，就會被呢句話封印住真正的自己。

早幾日睇左篇文，話，人呢細個因為未發展完成，唔知自己會點，所以同人比較既情況會多一點。到你大得咁上下，甚至超過三十歲了，當你以為現在就是時候去跟人比一比，錯。

幾十年，大家走的路已經好遠。由唔同背景出發，來到今天，其實已經無需要再去同人比較。要比就同昨日的自己比。

雖然我聽完都有點猶豫，但我知這是真的，是對的。如果到大左都仲唔知道自己先天比人差的，努力後比人強的，自己傾向完成的，自己認為是成功的是什麼，而要透過同人比來得到安全感，咁就未免有點弱了。

講起Dirk,甚至講起好多球星，呢個世界對佢哋既質疑從來未停過。話佢只係高唔夠大隻打唔到底，到佢唔打底都場均二十分你又話佢獨食幫唔到球隊，球隊入到季後賽你就會佢拿唔到總冠軍，好喇拿左總冠軍你又話佢冇能力衛冕。佢射唔入你話佢唔係射手，佢廢你班人就話佢曬錢阻住球隊。

同樣，Harden 獨食你話佢獨食，佢識分波了你話佢係獨食先分到波。得分唔efficient你又話，到佢搏犯規你又話佢扮曬野掂下就foul.好喇再進一步學stepback你又話走步又話籃球唔係咁打。

獲獲都係咁。

This world is full of haters. 但成大事的人都知道，不要和別人比，不要在乎別人怎樣把自己比。你繼續做好你既事，比昨天的你更好，活出真我，咁就夠。

因為永遠，永遠你都會搵到所謂比你好的人。但你們不一樣，你們走的路都不一樣。

高既唔一定要打籃底。矮既都可以係街場打出自己相信既籃球。無論你覺得自己足夠與否都好，只同自己比。

點解當年睇火影咁鐘意Rock lee,就係因為他相信自己的道。

記住，就會有日你真的差了也好，也不要怕。你沒有敗給別人，你只是輸給了昨天。下一天你抬起頭，back to the court and shoot, 你就是你這條路上的勝利者。到你退休，回望，你會像dirk佬一樣發現，有很多haters以外的人，因你與你自己的比賽而感動，而熱血。

無人知道最後條數係點樣計。唔好停係輸波個一場。唔好理場邊的敵方球迷，唔好介意教練點樣插你。消化完冷靜完，跟自己的步伐去改變自己。

人生就是不停的戰鬥。你要選對的對手。